Вашингтонд барих 76.2 метр өндөр хаалганы төлөвлөгөөг XI сарын 5-нд хэлэлцэнэ

Вашингтоны Memorial Circle талбайд барихаар төлөвлөсөн 250 фут буюу 76.2 метр өндөр дурсгалын нуман хаалганы эцсийн төлөвлөгөөг Нийслэлийн төлөвлөлтийн үндэсний комисс (NCPC) арваннэгдүгээр сарын 5-нд хэлэлцэнэ. Албан хөтөлбөрт Дотоод хэргийн яам газрын зохион байгуулалт, барилгын эцсийн төлөвлөгөөг батлуулах хүсэлт ирүүлсэн гэж тэмдэглэжээ.

Комиссын ажлын албаны шинэчилсэн тайланд төслийг тайлбар, саналуудын хамт батлахыг зөвлөсөн байна. final approval буюу эцсийн батлах шийдвэрийг комиссын хурлаар хэлэлцэхээр товложээ.

Өндөр, замын хөдөлгөөн нь гол асуудал

Тайланд хаалганы үндсэн хийц 166 фут, дээрх алтадсан гурван дүрстэй нийлсэн нийт өндөр нь 250 фут байхаар тусгасан. Төсөл Арлингтоны дурсгалын гүүрийн баруун үзүүр дэх талбайд байрлана.

Шинэ төлөвлөгөөнд явган хүний гарц, гэрлэн дохио, замын хөдөлгөөний өөрчлөлтүүд оржээ. Ажлын алба зарим чиглэлийн хөдөлгөөн өөрчлөгдөж, өмнөд талаас ирэх Washington Boulevard замд саатал нэмэгдэх боломжтойг тэмдэглэсэн ч явган зорчигч, дугуйчдын аюулгүй байдал сайжирна гэж үнэлсэн байна.

Дараагийн алхам

XI сарын 5-ны хурал Вашингтоны цагаар 13:00-д цахимаар болно. Үзэхэд бүртгэл шаардахгүй, харин төсөл дээр үг хэлэх хүмүүс урьдчилан бүртгүүлэх ёстой гэж комисс мэдээлжээ. Хурлын шийдвэр гарсны дараа төслийн эцсийн төлөвлөгөөг батлах эсэх, ямар нөхцөл тавих нь тодорхой болно.